वारकरी भवन, मुंबईचे प्रमुख ह. भ. प. श्री रामेश्वरशास्त्री महाराज वारीमध्ये अनेक नावीन्यपूर्ण उपक्रम राबवत असतात. वारीमध्ये भोजनासाठी नैसर्गिक पानांच्या पत्रावळी आणि द्रोण यांच्या वापराबद्दल ते आग्रही आहेत मात्र नैसर्गिक पानांच्या पत्रावळी बाजारात सहजपणे उपलब्ध होत नाहीत अशी त्यांची तक्रार आहे. ज्याप्रमाणे वारीमध्ये दूध, औषधे यांचे वितरण करणारी यंत्रणा कार्यरत असते त्याचप्रमाणे नैसर्गिक पानांच्या पत्रावळी, द्रोण यांचे वितरण करणारी यंत्रणा असावी असे त्यांचे मत आहे. यासाठी मोठे उद्योग, कंपन्या यांच्या सहयोग घेता येईल असेही त्यांचे म्हणणे आहे.